Università
di Siena
Dettaglio Testo
BDAL
265,068
RS
0727
Repertorio Metrico
648,1
Bibliografia
Petersen Dyggve 1938, 36
Genere
chanson*
N Strofe
6
Refrain
Schema Rimico
ababaabbab
Schema Sillabico
8888888888
Genere Rime
mm
esbahiz
ai chanté sovent
por ma grant
dolor
demostrer:
merveille
est qant de tel
torment
puet nus senz morir eschaper
com j'ai
sosfert
si longuement
por servir de cuer loiaument,
q'ainc por
mal
ne m'en pou torner,
que tant mi
plaist
a remirer
son gent cors et som bel semblant,
ses vairs iex et son doz vis cler.
ne se puet pas legierement
retraire qui
bien
set
amer
.
mes cuers qui aime loiaument
s'i voet si toz abandoner
qu'il ne va pas en delaiant,
ainz va toz jorz en florissant
l'
amor
et plus et plus doubler,
si ne se doit pas
esfraer
:
fins cuers ou loiautez s'espant
doit a grant
joie
recovrer.
dame, or m'
esmaie
durement
et maintes foiz me fet
penser
Amors
a cui mes cuers s'
atent
,
dont j'ai tant com plus puis porter.
portees les ai longuement
et porterai tot mon vivant;
autrement ne savroie
amer
,
que li faut a lui amender
qui
bien
aime et a cuer
joiant
;
nus ne l'en devroit destorber.
dame, morz fusse en
desirrant
,
mais mout me sout
bien
conforter
qe en vos vi derrienement
ce dont je vos oï parler.
un lié cuer feïstes
dolant
.
ne me porroit perte si grant
nule riens fors vos restorer.
dame, s'il ne vos doit
grever
,
por Deu ne vos praingne
talant
de vostre home sa mort haster.
certes, dame, ne sai coment
je peüsse senz vos durer.
les
dolors
dont j'ai
sosfert
tant
plaise
vos a gerredoner.
dame, ne savroie autrement
amer
que par comandement
de vos qui me poez doner
bien
ou
mal
et faire morer
en grant
joie
ou en
esmaiant
.
biau m'est de voz bons achever.
chansons, or t'en va maintenant
a ma dame et li di tant
c'onques n'osai
merci
crïer.
quant la voi, tant m'estuet
douter
,
toz li cors mi va fremisant,
en tremblant m'estuet tressüer.